Basketbollistët e Kosovës U16 pas përgatitjeve intensive janë të gatshëm për FIBA Kampionatin Evropian.
Në Evropianin e Divizionit C që do të mbahet në Kosovë do të garojnë tetë shtete që janë ndarë në dy grupe. Kosova U16 e meshkujve do të jetë në grup me Shqipërinë, San Marinon dhe Maltën, kurse në Grupin tjetër janë Andorra, Gjibraltari, Moldavia dhe Armenia. Kampionati zhvillohet 12 deri më 17 korrik.
Përzgjedhësi i Kosovës, Valentin Spaqi ka shpallur 12shen finale për këtë garë shumë të rëndësishme, sidomos pasi do të zhvillohet në vendin tonë, Prizren.
12shja e Kosovës
Niman Demiraj, Andi Ahmeti, Yll Kastrati, Ervin Mullaliu, Ben Basha, Sejar Rama, Yll Nuradini, Bener Mitrovica, Mal Syla, Hannan Corovic, Mal Tusuni dhe Erdin Abazxhik.
Përzgjedhës: Valentin Spaqi.
