Një çift në provincën indoneziane të Acehut është dënuar me nga 100 goditje me kamxhik, pasi u shpallën fajtorë për marrëdhënie seksuale jashtë martesës.
Sipas “Daily Mail”, ndëshkimi publik u zhvillua të enjten në Banda Aceh, ku gruaja u rrëzua në gjunjë nga dhimbja dhe u lut për mëshirë. Edhe partneri i saj mori të njëjtin dënim.
Ndëshkimi u ndërpre përkohësisht për burrin pas 60 goditjeve, për shkak të shqetësimeve për gjendjen e tij shëndetësore. Më pas, ai e përfundoi dënimin prej 100 goditjesh.
Acehu është i vetmi rajon në Indonezi që zbaton ligjin e Sheriatit. Sipas rregullave lokale, marrëdhëniet seksuale jashtë martesës dënohen me goditje me kamxhik, ndërsa masa të ngjashme parashikohen edhe për shkelje të tjera.
Çifti ishte pjesë e një grupi prej 10 personash të ndëshkuar atë ditë. Tetë të tjerët morën nga 16 deri në 21 goditje për përzierje mes gjinive në një festë ditëlindjeje.
Ndëshkimet publike në Aceh synojnë jo vetëm dhimbjen fizike, por edhe turpërimin e personave që shkelin ligjin fetar.
Burimi: botasot.info
