Gjatë dy ditëve të fundit (16–17 maj 2026), policia ka evidentuar gjithsej 1.026 kundërvajtje në komunikacion gjatë kontrolleve të realizuara në të gjitha sektorët për punë të brendshme në vend. Nga numri total i urdhërpagesave të lëshuara, 316 kundërvajtje kanë të bëjnë me tejkalimin e shpejtësisë së lejuar. Po ashtu, 34 persona janë privuar nga liria për drejtim të pakujdesshëm të automjetit, prej të cilëve nëntë janë kapur duke vozitur nën ndikimin e alkoolit, 24 pa patentë shoferi, ndërsa një person ka drejtuar automjetin pavarësisht ndalimit të mëparshëm për vozitje.
Sipas pasqyrës statistikore të aktiviteteve policore, gjatë dy ditëve të fundit janë evidentuar 164 kundërvajtje për parkim të parregullt, si dhe 29 sanksione për vozitje nën ndikimin e alkoolit.
Nga ana tjetër, në përputhje me rregulloret e Ligjit për Sigurinë në Komunikacionin Rrugor, janë sanksionuar 107 drejtues motoçikletash për mosmbajtje të helmetës mbrojtëse, ndërsa janë sanksionuar edhe pesë këmbësorë”.
Gjithashtu, janë sanksionuar 99 pjesëmarrës në komunikacion të cilët nuk kanë përdorur rripin e sigurisë.
“Në përputhje me Ligjin për automjetet, 15 automjete janë larguar nga komunikacioni për shkak se kanë qenë të paregjistruara, ndërsa katër për shkak të parregullsive teknike.
Janë sanksionuar edhe dy shoferë për mosplotësimin e kushteve të përcaktuara lidhur me errësimin e xhamave të automjeteve (foliet)”, njoftoi MPB.
Kontrollet në komunikacion do të vazhdojnë edhe në ditët në vijim. Apelojmë te të gjithë pjesëmarrësit në komunikacion që t’i respektojnë rregullat dhe dispozitat e trafikut dhe së bashku të kontribuojmë për rrugë më të sigurta.
Burimi: lajmpress.org
