Një zjarrfikëse në shtetin e Misurit, SHBA, ka humbur jetën tragjikisht pasi ka rënë nga një shkëmb rreth 15 metra të lartë gjatë një ecjeje në natyrë, përcjell Bota sot.
Viktima është identifikuar si Sarah Longest, e cila u gjet pa shenja reagimi në parkun Pinnacles, në veri të qytetit Columbia, më 10 nëntor. Ekipet e emergjencës tentuan ta shpëtonin, por ajo u shpall e vdekur në vendin e ngjarjes.
Sipas autoriteteve, Longest ishte duke ecur me një të njohur në momentin e aksidentit. Pas intervistimit të dëshmitarëve, policia bëri të ditur se, deri më tani, nuk ka arsye të dyshohet se bëhet fjalë për diçka tjetër përveç një aksidenti tragjik.
Departamenti i Zjarrfikësve në Independence e ka kujtuar atë me një mesazh prekës, duke bërë të ditur se Longest ishte pjesë e këtij institucioni që nga marsi i vitit 2025 dhe shërbente edhe si teknike e materialeve të rrezikshme (HazMat).
Ajo ishte gjithashtu pjesë e ekipit për mbështetjen e kolegëve dhe përshkruhej nga departamenti si një pjesëtare e përkushtuar dhe e vlerësuar e familjes së zjarrfikësve.
Burimi: botasot.info


