“Zhduket” Arben Taravari pas fiaskos në zgjedhjet lokale

Fitorja madhështore e koalicionit VLEN ka bërë që disa liderë të AKI-së ende të mos shfaqen në publik për të komentuar rezultatet, raporton Alfax.mk
Njëri prej tyre është padyshim, kryetari i ASH-së, Arben Taravari, i cili është futur në një heshtje totale.
Postimin e fundit, Arben Taravari në rrjetet sociale e ka gjatë ditës së djeshme gjatë votimit për komunën e Gostivarit.
Arben Taravari para zgjedhjeve deklaronte se fitorja e AKI-së ndaj VLEN-it do të jetë 3:1, ndërsa në zgjedhjet u ballafaqua me shumë zhgënjime.
Në Gostivar dhe Vrapçishtë zgjedhjet dështuan për shkak mosarritjes së cenzusit ndërsa në Tearcë dhe Saraj ka përjetuar fiasko, duke humbur nga VLEN-i.
Matematikat e neurologut të njohur ishin se, që në rrethinë e parë ai do të fuqizohet politikisht, me katër komuna të cilat ishin “të sigurta” dhe me tre deputetë do të bëhet faktor në kampin politik shqiptar.
Mirëpo, sovrani dje dënoi me votë “driblimet” e tij, herë me “atë” e herë me “këtë”, duke e dënuar kështu një politikbërje që në vetë nuk përmban asnjë normë etike dhe morale.