Dje, UEFA njoftoi vendimin e saj për të përjashtuar Crystal Palace nga Europa League e sezonit të ardhshëm:
Klubi ra në Conference League për shkelje të rregullave mbi pronësinë e shumëfishtë të klubeve (biznesmeni John Textor zotëron një pjesë të aksioneve në Palace dhe është gjithashtu aksionari kryesor i klubit francez Lyon, i cili gjithashtu u kualifikua për Europa League).
Presidenti Steve Parish reagoi me zhgënjim të madh ndaj UEFA-s: “Kjo është padrejtësia më e madhe në historinë e futbollit”, tha ai. “Jemi të shkatërruar”, tha Parish për Sky Sports.
“Është një ditë e keqe për futbollin. Është një padrejtësi e tmerrshme. Nuk mendoj se dikush dëshiron ta shohë këtë. Nuk mendoj se UEFA dëshiron ta shohë këtë.
“Jemi përjashtuar nga një garë europiane për teknikalitetet më qesharake. Tifozët e të gjitha klubeve duhet të jenë të shkatërruar për ne”.
Nottingham Forest, i cili përfundoi i shtati në Premier League sezonin e kaluar, mund të zëvendësojë fituesit e FA Cup, Palace, në Europa League.
UEFA tha se Eagles mund ta apelojnë vendimin në Gjykatën e Arbitrazhit për Sport, dhe Parish tha se janë të përgatitur ta bëjnë këtë.
“Të gjithë e dinë që ne nuk jemi pjesë e një organizate shumë-klubesh,” shtoi Parish. “Ne nuk ndajmë personel. Jemi të bllokuar në një rregull që nuk është krijuar për ne. Nuk e kuptoj pse komisioni arriti në këtë përfundim.
“Unë besoj se kemi treguar se John nuk kishte asnjë ndikim në klubin tonë. Ky është një vendim qesharak. Do t’i kërkojmë Gjykatës së Apelit të dëgjojë argumentet tona”.
Burimi: botasot.info
