Enis Bardhi edhe zyrtarisht është lojtar i lirë që nga dje, pasi u nda nga Bodrumspor, e cila ra në Ligën e dytë të Turqisë. Tani mesfushori është në kërkim të një kontrate të re.
Kapiteni i Maqedonisë ka disa mundësi ku do të vazhdojë karrierën e tij, dhe njëra prej tyre është një rikthim në Spanjë. Skuadra e Zaragozës është e interesuar ta shohë mesfushorin në radhët e saj, pasi dëshiron të ndërtojë një skuadër që do të fitojë një vend në La Liga.
Zaragoza arriti të mbijetojë me shumë vështirësi në sezonin e sapopërfunduar, dhe tani synon arritje të larta. Për këtë qëllim, ata duan të angazojnë emra të famshëm.
Nëse arrihet një marrëveshje, atëherë Bardhi do të kthehej në Spanjë pas tre vitesh. Nga viti 2017 deri në vitin 2022, Bardhi veshi fanellën e Levantes, nga ku më pas u largua për në Trabzonspor, dhe në fillim të këtij viti u transferua në Bodrum.
Burimi: botasot.info
