Policia suedeze tani kritikon ashpër drejtuesit e mjeteve që përdorin aplikacione si Waze dhe Google Maps.
Veçoritë në aplikacionet e njohura paralajmërojnë për kontrolle shpejtësie, bllokime në trafik, aksidente etj.
Por sipas fjalëve të policit të trafikut suedez, Mattias Alpedal, ato ndihmojnë edhe kriminelët të shmangin policinë, pasi shumë drejtues përdorin këtë veçori për t’u paralajmëruar njëri-tjetrit për praninë e policisë.
Në realitet, policia humbet mundësinë e kontrollit të papritur ndaj drejtuesve, shkruan SVT Gävleborg.
Kjo ndodh kur drejtuesit ndajnë lokacionin e policisë në kohë reale, dhe kjo lidhet, për shembull, me kontrollet e alkoolit, matjet e shpejtësisë dhe detyra të tjera monitorimi.
Megjithatë, nuk është fenomen i ri që drejtuesit paralajmërojnë njëri-tjetrin. Për dekada, drejtuesit kanë përdorur dritat e gjata që pulsojnë, ndërsa tani paralajmërimet dërgohen drejtpërdrejt në telefonat mobil të mijëra drejtuesve njëkohësisht.
Një problem shtesë lind nëse drejtuesi dëshiron të shmangë policinë për arsye që nuk kanë të bëjnë me shpejtësinë e madhe ose alkoolin, por me vepra të tjera kriminale.
Në këtë rast, paralajmërimet e aplikacioneve shërbejnë si një mjet efektiv për personat në konflikt me ligjin.
Burimi: botasot.info
