Volkswagen premton se Golf GTI do të mbetet në treg, pavarësisht modeleve të reja elektrike.
Duke folur në Nürburgring me entuziasistin e Volkswagenit, Jamie Orr, drejtori ekzekutiv i VW-së, Thomas Schafer, njoftoi se Golf GTI do të mbijetojë edhe për një kohë “me siguri do të mbetet në prodhim në dekadën e ardhshme. Ka shumë gjasa që GTI të jetë pak i elektrifikuar”.
Në veçanti, ka shumë mundësi të ketë një konfigurim të butë hibrid.
Çdo gjë tjetër, hibrid i plotë apo plug-in hibrid (tani shitet si GTE), do të ndikonte në dinamikën e vozitjes për shkak të peshës së shtuar.
Volkswagen ka konfirmuar se gjenerata e nëntë e Golfit do të jetë elektrike, por pritet që gjenerata e tetë të mbetet në prodhim deri në vitin 2035, kur BE-ja planifikon të ndalojë shitjen e makinave të reja me motorë me djegie të brendshme.
Burimi: botasot.info
