Sam Altman, tashmë ish-CEO i OpenAI, është larguar nga kompania për të marrë një rol pranë Microsoft. Megjithatë pyetje janë ngritur në lidhje me rolin e tij në entitete të tjera si Worldcoin, një projekt kripto që ai bashkëthemeloi.
Menjëherë pas lajmeve për shkarkimin e tij, WLD, ra me 13 përqind ditën e Premte në 1.91 dollarë ndërsa tashmë është rikthyer afro niveleve të mëparshme prej 2.42 dollarë.
Projekti kripto i Altman ngriti 115 milionë dollarë investime në Maj përmes një Seri C udhëhequr nga Blockchain Capital. Në Mars u raportua se Altman ishte në bordin e Worldcoin por nuk ishte i përfshirë në operacionet ditore të kompanisë.
Worldcoin merr përdorues duke skanuar iriset përmes Orb-it të tij, i cili më pas u cakton përdoruesve një “kod iris” ose “World ID” që u jep atyre akses në aplikacionin e projektit dhe u siguron atyre “një pasaportë dixhitale”.
Projekti ju jep atyre që regjistrohen rreth 25WLD shpërblim, një praktikë që është konsideruar shfrytëzuese. Në Gusht disa vende Afrikane bllokuan projektin nga skanimi i irisit të njerëzve. Worldcoin është përballur me reagime nga kritikët, të cilët pretendojnë se kompania synon ekonomitë në zhvillim.
Ka më shumë se 2.4 milionë “njerëz unikë” në Worldcoin dhe në shtatë ditët më të fundit janë krijuar rreth 53,800 llogari të reja dhe ka pasur mbi 59,000 transaksione ditore me portofol, sipas faqes së internetit të kompanisë.
/PCWorld Albanian
BURIMI: PCWORLD.AL
