Një zjarr ka përfshirë mbrëmjen e sotme një apartament në rrugën “Isuf Sokoli” në Shkodër.
Flakët kanë shpërthyer në katin e tretë të një pallati, duke shkaktuar panik tek banorët e zonës.
Në momentin e rënies së zjarrit, në banesë ndodheshin dy të moshuar, të cilët fatmirësisht kanë arritur të dalin menjëherë, pa pësuar lëndime.
Në vendngjarje kanë mbërritur forcat zjarrfikëse dhe policia, të cilat po punojnë për të vënë situatën nën kontroll dhe për të shmangur përhapjen e flakëve në apartamente të tjera.
Për shkak të rrezikut, OSHEE është detyruar të stakojë energjinë elektrike në gjithë zonën, deri në normalizimin e situatës.
Top Channel
Burimi: top-channel.tv
