Mabel Bocchi, ish lojtarja më e madhe e basketbollit italian, vdiq në shtëpinë e saj në San Nicola Arcelli, Kalabri.
Ajo ka ndërruar jetë në moshën 72 – vjeçare.
Një nga lojtaret më të famshme të basketbollit evropian, e cila ishte shpallur më e mira në botë nga FIBA në vitin 1975, ndërroi jetë pas një sëmundjeje të shkurtër dhe të rëndë, e cila e mori pas vetëm disa muajsh.
Ajo ishte një figurë kyçe në ekipin e famshëm Geas nga Sesto San Giovanni, duke fituar tetë tituj kampioni italian dhe duke e çuar klubin drejt fronit evropian.
Në atë kohë, ishte trofeu i parë ndërkombëtar për një ekip italian të femrave në çdo sport. Ajo luajti me ekipin kombëtar italian në Kampionatin Evropian dhe Kampionatin Botëror të basketbollit.
Forca dhe teknika e saj fizike ishin dekada para kohës së saj.
Por ajo mbahet mend edhe për karizmën e saj jashtë fushës, duke u shfaqur në televizion, në filma dhe duke punuar në gazetari dhe art, dhe mbeti një fytyrë e njohur në sytë e publikut edhe pasi mbaroi karriera e saj.
Pas karrierës së saj në basketboll, ajo iu përkushtua gazetarisë profesionale. Ajo punoi në fushat e fitnesit dhe të ushqyerit, duke bashkëpunuar me zyra të mëdha redaksionale si ‘Corriere della Sera’ dhe ‘Gazeta dello Sport’, në botime të shtypura dhe online.
Ajo u diplomua nga ISEF vetëm 21 vjeç dhe në një kohë ishte profesoresha më e re universitare në Itali.
Burimi: botasot.info
