Në derbin e javës së kampionatit elitar të hendbollit për femra në Maqedoninë e Veriut, WHC Çair shënoi një fitore të madhe ndaj rivaleve nga Kumanova me rezultat 26:17.
Skuadra e trajnerit Basri Latifi dominoi ndeshjen nga fillimi deri në fund, duke treguar forcë, disiplinë dhe lojë kolektive në çdo repart.
Me këtë sukses, vajzat e Çairit regjistrojnë fitoren e gjashtë radhazi, duke mbetur fuqishëm në garë për titullin e kampionit.
Forma e shkëlqyer e ekipit po konfirmon se Çairi është një nga pretendentet kryesore të sezonit në ligën e femrave.
Burimi: botasot.info
