Vandalizëm në shkollë fillore, ndërpritet mësimi për mbi 1100 nxënës

Një akt vandal në Shkollën Fillore “Vanço Përqe” të Shtipit ka qenë arsyeja pse nuk ka mësim të rregullt për mbi 1.100 nxënës në këtë shkollë e cila ndodhet në zonën qendrore të qytetit të Shtipit, konfirmoi në një deklaratë për mediat drejtori i shkollës “Vanço Përqe” Kokan Radev.

Janë shkatërruar tabela inteligjente, tabela, inventari, kompjuterët. Vandalisti ka përdorur sprej dhe mjet të mprehtë për të shkaktuar dëme në të gjithë shkollën, ndërsa në muret me sprej ka shkruar mesazhe të pahijshme.

Radev ka thënë se dëme të mëdha materiale janë shkaktuar në klasat për mësimin lëndor. Vandalisti nuk ka arritur të futet vetëm në kabinetin e kimisë, sepse ka qenë e mbyllur. Radev thotë se sipas kamerave të instaluara në shkollë, sulmuesi ka hyrë rreth mesnatës.

Ai konfirmon se akti vandal është kryer nga një person, sipas asaj që kanë regjistruar kamerat e sigurisë së shkollës. Ka theksuar se dëmet janë shkaktuar në dyshemetë ku zhvillohen orët e mësimit për nxënësit nga klasa e pestë deri në të nëntën.