Një turbinë ere në lindje të Gjermanisë ka arritur një lartësi prej 365 metrash, duke u bërë më e larta në botë, sipas kompanisë zhvilluese Gicon.
Pamjet ajrore tregojnë strukturën që ngrihet mbi peizazhin përreth.
Turbina ndodhet në Schipkau, në Brandenburg, dhe tashmë është struktura e dytë më e lartë në Gjermani, vetëm tre metra më e ulët se Kulla Televizive e Berlinit.
Lartësia e saj i mundëson të arrijë erëra më të forta dhe më të qëndrueshme, duke krijuar potencialin për të prodhuar më shumë energji elektrike se turbinat e tjera në zonën përreth.
Projekti është zhvilluar prej një dekade dhe pritet të nisë funksionimin në muajin nëntor.
Burimi: botasot.info
