Tudor në “fije të perit”, ka kohë deri në derbi, dalin emrat e parë si pasues

6 ndeshje pa fitore, mbi të gjitha humbja e pësuar përballë Como, ka ndezur “alarmin e kuq” në Torino. “Zonja e Vjetër” është “fikur” totalisht këtë periudhë, ndërsa në horizont tani shfaqet edhe Real Madrid. Në raste të tilla, i pari që përfundon nën akuzë është trajneri, me Igor Tudor që sipas mediave është në “fije të perit”.

Tudor ka humbur jo pak nga kredencialet e tij, ku mes trajnerit dhe stafit drejtues ka një ftohje. Drejtori i përgjithshëm i Juves, Damien Comolli, i ka kërkuar shpjegime trajnerit për zgjedhjet e tij taktike, për sistemin e lojës dhe mbrojtje me 4. Tudor nga ana e tij i ka qëndruar besnik idesë së tij të lojës, por me disa ndryshime të vogla pas humbje kundër Comos.

Sipas TuttoSport: “Igor Tudor ka kohw deri nw derbi, afro 1 muaj, për të ndryshuar fatin e Juves, sigurisht edhe fatin e tij”. Real Madrid është vetëm hapi i parë, për të vijuar më pas me ndeshjet kundër Lazio, Udinese, Sporting dhe në fund derbi përballë Torinos. Nuk bëhet fjalë vetëm për pikët, por edhe për mënyrën e lojës etj.

Nëse Tudor nuk ia del të ndryshojë situatën, atëherë e pret shkarkimi i sigurt. Në këtë rast, gjithnjë sipas TuttoSport, alternativat për pasuesin e tij nuk mungojnë. Mes emrave më të lakuar janë Luciano Spalletti dhe Roberto Mancini. Jashtë Italisë, në shihet e Comolli-t janë trajner si Marco Rose dhe Edin Terzic.