“A e mbani mend kur i dhashë Iranit dhjetë ditë për të BËRË NJË MARRËVESHJE ose për ta HAPUR NGUSHTICËN E HORMUZIT. Koha po mbaron. 48 orë para se gjithë ferri të mbretërojë mbi ta. Lavdi Zotit!”. Me këto fjalë Presidenti Trump, nga Shtëpia e Bardhë, në Truth Social, ka paralajmëruar sërish Iranin se tashmë I mbeten 48 orë për të rihapur Ngushticën e Hormuzit.
Ultimatumi vjen pas afatit të 6 prillit që Trump i kishte dhënë Iranit për të arritur një marrëveshje ose për të rivendosur aksesin në Ngushticën e Hormuzit, e cila është ndërprerë për shkak të Operacionit “Epic Fury”.
Kërcënimi vjen gjithashtu në një kohë, kur ushtria amerikane po kërkon një anëtar të shërbimit të zhdukur, pasi dy avionë luftarakë amerikanë u rrëzuan në incidente të ndara. Sipas zyrtarëve, një avion u rrëzua mbi një zonë të largët në Iranin jugperëndimor. Një anëtar i ekuipazhit u shpëtua, ndërsa një tjetër mbeti i zhdukur të shtunën në mëngjes dhe operacionet e kërkim-shpëtimit vazhdojnë.
Administrata Trump nuk ka bërë një koment zyrtar mbi avionin luftarak amerikan.
Burimi: opinion.al
