Presidenti i Shteteve të Bashkuara, Donald Trump, deklaroi se pas përballjes me Iran, vendi tjetër që mund të përballet me presion të fortë amerikan është Kuba.
Në një intervistë për Politico, ai parashikoi rënien e regjimit kuban dhe theksoi se politikat e administratës së tij kanë rritur presionin ekonomik ndaj ishullit.
Trump hodhi poshtë shqetësimet për ndikimin e luftës me Iranin në ekonominë amerikane dhe në çmimet e karburantit, duke pretenduar se operacioni ushtarak gëzon mbështetje nga votuesit amerikanë. Megjithatë, disa sondazhe publike tregojnë se opinioni publik mbetet i ndarë për këtë konflikt.
I pyetur nëse Shtetet e Bashkuara po luanin një rol në rënien e qeverisë kubane, Trump u përgjigj: “Epo, çfarë mendoni? Për 50 vjet, kjo është qershia mbi tortë. Venezuela po ecën në mënyrë fantastike. Delcy Rodríguez po bën një punë fantastike. Marrëdhënia me ta është e mrekullueshme.”
Trump konfirmoi gjithashtu se Shtetet e Bashkuara janë në kontakt me udhëheqjen komuniste të Kubës. “Ata kanë nevojë për ndihmë. Ne po flasim me Kubën”, tha Trump.
Ai sugjeroi se përkeqësimi i situatës së ishullit është pjesërisht rezultat i presionit të SHBA-së, duke përfshirë ndërprerjen e furnizimeve me naftë venezueliane që dikur mbanin Havanën.
“Epo, është për shkak të ndërhyrjes sime, ndërhyrjes që po ndodh. Natyrisht, përndryshe ata nuk do ta kishin këtë problem. Ne premë të gjithë naftën, të gjitha paratë, gjithçka që vinte nga Venezuela, e cila ishte burimi i vetëm. Sa kohë keni dëgjuar për Kubën, për 50 vjet?. Dhe kjo është një nga më të voglat për mua.” tha Trump.
Burimi: opinion.al
