Një rast shqetësues është denoncuar në Shkup, ku një 45-vjeçare ka raportuar në polici dy ngjarje të ndara që përfshijnë bashkëshortin e saj dhe një mik të tij.
Sipas denoncimit të bërë më 9 shtator në SVR Shkup, gruaja ka deklaruar se vajza e saj e mitur dyshohet se është ngacmuar dhe prekur në trup nga një 63-vjeçar me inicialet M.G., i cili, sipas saj, është mik i bashkëshortit të saj.
Në denoncim thuhet se bashkëshorti i saj, B.M., 46 vjeç, është edhe njerku i vajzës së mitur.
Po atë ditë, 45-vjeçarja ka raportuar edhe një incident tjetër, duke pretenduar se më 5 shtator, në shtëpinë familjare, është sulmuar fizikisht nga bashkëshorti i saj 46-vjeçar.
Policia ka regjistruar të dyja denoncimet, ndërsa pritet që rasti të hetohet dhe të ndërmerren masat e mëtejshme në përputhje me ligjin.
Hetimi duhet të sqarojë rrethanat e të dyja ngjarjeve dhe përgjegjësinë eventuale të personave të përfshirë.
Burimi: lajmpress.org
