Kosova është pajtuar me vendin e dytë në grup, pasi vetëm mrekullia ndaj Zvicrës do e kualifikonte direkt në Botërorin 2026.
Një fitore me më tepër se pesë gola diferencë shikohet si e pamundur, për këtë trajneri Franko Foda ka bërë zgjedhjet e tij.
Albian Hajdari dhe Leon Avdullahu do të jenë sot në tribunë, për shkak se rrezikonin që në rast ndëshkimi ndaj Zvicrës të mungonin në “play off”. Trajneri Silvinjo bëri të njëjtën gjë me futbollistët e Kombëtares shqiptare ndaj Anglisë.
Në anën tjetër edhe Gatuzo tek Italia ndaj Norvegjisë. Zvicra shkon e sigurt drejt kualifikimit në Botëror, ndërsa ndeshja sot në “Fadil Vokrri” premton gjithsesi emocione. “Dardanët” kanë zhvilluar ndeshje mjaft të bukura, që pas humbjes së parë me Zvicrën në transfertë.
Burimi: botasot.info
