Një tragjedi ka goditur një fshat në Indi, ku një tufë prej 18 elefantësh sulmoi një fshat në mes të natës, duke lënë pas gjashtë viktima dhe shkatërrime të mëdha.
Sipas autoriteteve, mes viktimave ishin katër anëtarë të një familjeje, përfshirë një foshnjë tre-muajshe, ndërsa një fëmijë tjetër mbeti i plagosur rëndë dhe po merr trajtim mjekësor në spital.
Sipas dëshmive të banorëve, elefantët mbërritën rreth mesnatës dhe shkatërruan shtëpitë që u dolën përpara.
“Ata erdhën papritur dhe shkatërruan gjithçka në rrugën e tyre”, tha një banor për mediat lokale. Një grua e moshuar raportohet të ketë qenë e vetmja e mbijetuar nga familja e saj.
Sipas raportimeve, autoritetet u kanë bërë thirrje banorëve të fshatit Gondwar që të tregohen të kujdesshëm dhe të shmangin zonat e pyllëzuara, ndërsa tufa ka lëvizur gjatë ditëve të fundit në distriktet Bokaro, Ramgarh dhe Hazaribagh, ku janë raportuar gjithashtu incidente të tjera.
Burimi: botasot.info
