Ish-trajneri i kombëtares së Suedisë, Jon Dahl Tomasson, ka refuzuar mundësinë për t’u bërë trajner i ekipit anglez Norwich City, që aktualisht garon në Championship.
Norwich është në kërkim të një trajneri të ri prej javësh, pasi Liam Manning është shkarkuar pas rezultateve të dobëta që e kanë lënë klubin në zonën e rrezikut të rënies nga liga. Tomasson ka qenë njëri nga tre kandidatët kryesorë, pasi ish-trajneri i Wolves, Gary O’Neill, është përjashtuar nga gara të dielën.
Raportohet se Tomasson ka zhvilluar bisedime me aksionarin kryesor të klubit, Mark Attanasio. Megjithatë, ai ka vendosur të mos e pranojë ofertën, pavarësisht mundësisë për të punuar me bashkëkombasit e tij danezë në skuadër: Oscar Schwartau, Mathias Kvistgaard, Emiliano Marcondes dhe Pelle Mattson.
Tomasson, i cili më herët ka drejtuar edhe Blackburn në Championship, është pa punë që nga tetori, kur u shkarkua nga posti i përzgjedhësit të Suedisë.
Ndërkohë, Norwich renditet në vendin e njëzet e tretë në tabelë, dhe tifozët po shqetësohen se klubi mund të bjerë në League One për herë të parë pas shtatëmbëdhjetë vitesh.
Burimi: botasot.info
