Kastrioti i është kthyer me fitore garës në Superligën e Kosovës në hendboll në konkurrencë të meshkujve.
Të mërkurën mbrëma në palestrën “Afrim Bunjaku” në Samadrexhë, Kastrioti i Ferizajt e mposhti Vushtrrinë me rezultat 47:38.
Ishte kjo ndeshja e parë e xhiros së shtatë të Superligës së hendbollistëve.
Adonit Isufi i shënoi plot 11 gola për ferizajasit.
Shtatë i realizoi Gentrit Brahimi e pesë Jeton Bislimi.
Te Vushtrria bindshëm më efikasi ishte Egzon Ademi me 16 gola. Tetë i shënoi Bleon Gela.
Për Kastriotin ishte fitorja e pestë nga gjashtë ndeshje. Udhëheq në tabelë me 10 pikë. Vushtrria mbetet skuadra e vetme pa pikë.
Të enjten janë ndeshjet Prishtina – Trepça dhe Rahoveci – Llapi.
Burimi: botasot.info
