Tifozët e Barcelonës po bëjnë gati një pritje të ashpër për yllin e Athletic Clubit

Mbështetësit e kampionëve të La Ligës, Barcelona, po përgatiten për një pritje të ashpër ndaj yllit të Athletic Club, Nico Williams, të shtunën.

Kjo vjen mes reagimeve të vazhdueshme pas faktit që lojtari i kombëtares spanjolle refuzoi të nënshkruante për Blaugranat.

Nico, anësori i talentuar, këtë verë u bë sërish në qendër të vëmendjes në kryeqytetin katalanas, kur Barcelona rinisi ndjekjen e tij.

Kur gjithçka dukej gati për mbylljen e marrëveshjes, me një akord të arritur mes klubit dhe lojtarit, Nico papritur i tërhoqi të gjitha dhe i zbrazi shpresat e Barcelonës.

Kjo ndodhi kur ai vendosi të rinovonte kontratën me Athletic Bilbao, krejt papritur.

Ky veprim la një shije shumë të hidhur te të gjithë ata që lidhen me Barcelonën, veçanërisht te drejtuesit e klubit.

Dhe, siç u përmend më sipër, këtë fundjavë, tifozët e kampionëve të Spanjës synojnë ta bëjnë mëse të qartë pakënaqësinë e tyre ndaj Nicos.

Sipas një raporti nga Diario Sport, 23-vjeçari po përgatitet për një atmosferë jashtëzakonisht armiqësore të shtunën.

Me rikthimin e Barcelonës në Spotify Camp Nou pikërisht në përballjen ndaj Athletic Club, tifozët vendas synojnë të përdorin rastin për t’i drejtuar Nicos një lum fishkëllimash, vërshëllimash dhe sharjesh..