Policia australiane tha të premten se po kërkonte një të dyshuar për një sulm zjarrvënieje në një sinagogë në Melburn, ndërsa rreth 20 persona ishin brenda ndërtesës.
Sipas transmetuesit shtetëror ABC, rreth orës 8 të mbrëmjes një burrë derdhi lëndë të ndezshëm në hyrjen e sinagogës hebraike në lindje të Melburnit, duke shkaktuar zjarr.
“Në kohën e sulmit kishte rreth 20 persona brenda sinagogës”, tha policia, duke shtuar se të pranishmit ikën nga ndërtesa përmes një daljeje emergjente.
Zjarrfikësit nxituan në vendngjarje dhe shuan zjarrin, i cili shkaktoi disa dëme, por nuk pati të lënduar.
Deklarata e policisë thekson se “nuk ka vend në shoqëri për sjellje antisemtiste ose të motivuara nga urrejtja”.
Ky është sulmi i dytë i tillë në një sinagogë në Melburn, pas atij dhjetorin e kaluar në periferi të Riponley.
Në vitet e fundit, ka pasur disa sulme antisemitiste në Australi, ku shtëpi, shkolla, sinagoga dhe automjete janë shënjestruar nga vandalët dhe zjarrvënësit.
Burimi: botasot.info
