Sulejman Mehazi: BDI në vend që të vajtojë Mickoskin dhe VLEN-in, le të vajtojë veten për dështimet mbi 20 vjeçare

Analisti politik, Sulejman Mehazi, ka reaguar ashpër ndaj qëndrimeve të BDI-së opozitare, duke theksuar se partia që për vite e mbante pushtetin sot duhet të përballet me pasojat e politikave të veta të dështuara.

“Ju të BDI-së mos ‘kukatni’ ndaj Mickoskit dhe ndaj VLEN-it, por ‘kukatni’ veten që me politikën tuaj dobësuat LSDM-në aq shumë sa që VMRO-ja e Mickoskit me 58 deputetë e bëtë aq të fuqishme për t’ju larguar nga qeveria”, ka shkruar Mehazi.

Sipas tij, BDI e ka humbur çdo të drejtë morale për t’u viktimizuar, pasi për vite të tëra mashtronte qytetarët me premtime boshe dhe “lavdërohej me një kryeministër kukull”.

“Tani rrini në opozitë e vajtoni veten, jo Mickon dhe VLEN-in”, përfundon Mehazi.

Sipas Mehazit ky reagim erdhi pikërisht në kohën kur BDI po përpiqet të gjejë arsyetime për humbjen e pushtetit, ndërkohë që VLEN shihet si forcë politike që solli ndryshimin e shumëpritur në skenën politike shqiptare në Maqedoninë e Veriut.