Qytetarët do të mblidhen sot në shesh për të 101-tën ditë në revoltën e tyre kundër qeverisë së Edi Ramës. Krahas protestës së përditshme, protestuesit do të jenë edhe para parlamentit me nisjen e seancës plenare.
Ata kanë paralajmëruar se në orën 17:00, kur pritet të nisë seanca, do të jenë përpara godinës për t’i pritur deputetët, për të cilët thonë se nuk përfaqësojnë popullin por elementët kriminalë, me vezë dhe domate.
Në protestën e një dite më parë, ndryshe nga ditët e mëparshme, protestuesit zgjodhën që të rrethojnë në mënyrë simbolike Kryeministrinë, duke marshuar në rrugët përreth saj dhe duke kërkuar largimin e Edi Ramës.
“Rrethoni Kryeministrinë në mënyrë simbolike” dhe “Rama, jep dorëheqjen” ishin disa nga thirrjet që u dëgjuan gjatë marshimit përreth godinës.
Burimi: botasot.info
