Ministria e Shëndetësisë, së bashku me Klinikën Universitare të Pulmologjisë, organizon sot dhe nesër skrinim për qytetarët që jetojnë në Trubarevë dhe në zonat përreth.
“Ju lutem të gjithë qytetarët që mendojnë se duhet të vizitojnë mjekun, më 24 dhe 25 shtator, të regjistrohen për këtë skrinim. Për më tepër, nëse ka nevojë, këta qytetarë do të mund të vazhdojnë me ekzaminime në Qendrën Klinike ‘Nënë Tereza’,” deklaroi ministri i Shëndetësisë, Azir Aliu.
“Filluam një iniciativë të bukur, ‘Shëndeti i qytetarëve mbi të gjitha’. Krijuam dy ekipe që do të vizitojnë të gjithë banorët në Trubarevë dhe do të kryejnë ekzaminime fillestare. Në bazë të këtyre ekzaminimeve, nëse mund të vendoset një diagnozë ose të konfirmohet se nuk ka dëmtime në mushkëritë e tyre, do të rishikojmë terapinë që kanë dhe, nëse ka nevojë, do t’i dërgojmë në Klinikën tonë të Pulmologjisë dhe Alergologjisë, ku do të bëhen ekzaminime më të thella dhe do të ofrohet terapia e duhur,” tha drejtori i Klinikës Universitare të Pulmologjisë dhe Alergologjisë, Oliver Zafirovski.
Zjarri në fabrikën “Zero Waste” për riciklimin e mbetjeve elektrike dhe elektronike në Trubarevë të Shkupit ndodhi më 13 shtator.
Ministria e Mjedisit Jetësor dhe Planifikimit Hapësinor ka regjistruar nivele të larta të grimcave PM10, si dhe ndotje me arsen, kadmium dhe plumb, pas matjeve të cilësisë së ajrit në Trubarevë.
Burimi: alfax.mk
