Ende pa nisur zyrtarisht sezoni, bregdeti shqiptar ka filluar të mbushet me turistë nga vende të ndryshme.
E diela, ka qenë e ngarkuar me vetura që ia kanë mësyrë Vlorës, për të kaluar fundjavën.
Ngritja e temperaturave ka bërë që shumë pushues kanë zgjedhur plazhet e Vlorës dhe zonat jugore të Shqipërisë për pushim, duke rritur ndjeshëm fluksin e automjeteve.
Mediat në Shqipëri kanë raportuar se ngarkesa e lartë në akset kryesore ka sjellë vonesa në qarkullim.
Në mesin e atyre që kanë zgjedhur Shqipërinë për ta kaluar fundjavën ka pasur edhe qytetarë nga Kosova.
Burimi: botasot.info
