Trajneri i Liverpoolit, Arne Slot, ka zbuluar se Florian Wirtz po përballet prej disa ditësh me një problem në tendinën e kofshës (hamstring).
Pavarësisht këtij shqetësimi, sulmuesi i “Reds” luajti më shumë se një orë në barazimin pa gola kundër Leeds të enjten.
“Duhet të presim dhe të shohim si do të dalin nga ndeshja,” tha Slot për BBC-në, kur u pyet se si planifikon të bëjë rotacion përpara sfidës ndaj Fulham-it të dielën.
“Floriani, për shembull, u stërvit vetëm një herë këtë javë, sepse ndjeu një shqetësim në tendinën e kofshës në fillim të javës.
Për këtë arsye nuk doja të rrezikoja duke e mbajtur shumë gjatë në fushë, duke pasur parasysh të gjitha ndeshjet që na presin.
Kjo është diçka që duhet ta menaxhojmë. Kjo është situata që duhet ta pranojmë dhe në të cilën ndodhemi aktualisht”.
Burimi: botasot.info
