shqiperia shkelqen ne ligen e kombeve duka nje edicion fantastik 6afaba7c14011

​Shqipëria shkëlqen në Ligën e Kombeve, Duka: Një edicion fantastik

November 16, 2026
1 minut lexim

Presidenti i Federatës Shqiptare të Futbollit (FSHF), Armand Duka, ka reaguar pas fitores së Shqipërisë ndaj Bjellorusisë dhe sigurimit të vendit të parë në grup, që i mundëson Kombëtares shqiptare ngjitjen në Ligën A të Ligës së Kombeve.

Përmes një postimi në rrjetet sociale, Duka e ka cilësuar këtë edicion si fantastik, duke shprehur kënaqësinë për paraqitjet e futbollistëve dhe punën e stafit teknik.

“Sonte duhet vetëm të festojmë! Një edicion fantastik i Nations League! Me përjashtim të humbjes në Helsinki, që për mua ishte e pamerituar, dua të falënderoj dhe të uroj çunat për paraqitjet e tyre, për karakterin e treguar në çdo sfidë, për dëshirën dhe vendosmërinë për të fituar, për dashurinë ndaj fanellës kuqezi dhe për përkushtimin nga minuta e parë deri në vërshëllimën e fundit”, ka shkruar Duka.

Ai ka pasur fjalë mirënjohjeje edhe për stafin teknik, duke vlerësuar ndikimin e tij në përmirësimin e Kombëtares shqiptare.

“Një falënderim dhe urim i veçantë edhe për stafin teknik, për përkushtimin dhe punën e bërë, që u reflektua në një Kombëtare më të fortë, më bindëse dhe me rezultate krejt të tjera nga ato të qershorit. Nga kjo skuadër presim të njëjtin karakter, të njëjtën dëshirë dhe të tjera suksese në vazhdim”, ka theksuar presidenti i FSHF-së.

Duka ka veçuar edhe arritjet e Shqipërisë në këtë edicion, duke përmendur vendin e parë në grup, kualifikimin në fazën tjetër dhe ngjitjen në Ligën A.

“Sonte duhet vetëm të festojmë! Vendin e parë në grup, kualifikimin në fazën tjetër të Ligës së Kombeve, ngjitjen në Ligën B dhe një rekord të ri për Kombëtaren tonë: 15 pikë të grumbulluara dhe plot 12 gola të shënuar në një edicion të Ligës së Kombeve!”, ka shkruar ai.

Në fund, Duka e ka përmbyllur reagimin me urimin për Kombëtaren dhe tifozët shqiptarë: “Urime Shqipëri, urime shqiptarë! Sonte duhet vetëm të festojmë!”

Burimi: botasot.info

VERO

EVN MACEDONIA

MATINA DENTAL CLINIC

AUTO SHKOLLA BEKO

zafir berisha akuzon be ne per heshtje ndaj kenges nacionaliste serbe marta kos po tregohet e bute me serbine 6afaba229a7e9
Lajmi i mëparshëm

Zafir Berisha akuzon BE-në për heshtje ndaj këngës nacionaliste serbe: Marta Kos po tregohet e butë me Serbinë

u anuluan fluturimet administrata trump kerkon 50 miliarde dollare 6afababcbb627
Lajmi i radhës

U anuluan fluturimet, Administrata Trump kërkon 50 miliardë dollarë

Të fundit nga

ShkoLartë