Policia italiane ka arrestuar një ukrainas të dyshuar për koordinimin e sulmeve të vitit 2022 ndaj tubacioneve Nord Stream, tha të enjten prokurori i përgjithshëm i Gjermanisë.
I dyshuari, i identifikuar vetëm si Serhii K ishte pjesë e një grupi personash që vendosën pajisje në tubacionet pranë ishullit danez Bornholm në shtator 2022, thuhet në një deklaratë nga zyra e prokurorit.
Ai do të nxirret para një gjyqtari gjerman pasi të transferohet, sipas Sky News.
Asnjë grup nuk ka marrë përgjegjësinë për shpërthimet në shtator 2022 që dëmtuan rëndë tubacionet që transportonin gaz nga Rusia në Evropë.
Kjo përfaqësonte një përshkallëzim të ndjeshëm të konfliktit në Ukrainë dhe përkeqësim të krizës së furnizimit me energji të kontinentit.
Autoritetet vepruan bazuar në një urdhër arresti evropian për të dyshuarin, i cili përballet me akuza për bashkëpunim për të shkaktuar një shpërthim, sabotim antikushtetues dhe shkatërrim ndërtesash.
Burimi: botasot.info
