“Shokuese, tmerr, ndjesë pastë Arlinda”, aktori Shkumbin Istrefi reagon i indinjuar për neglizhencën e organeve të drejtësisë

Rasti i vrasjes së gruas në Pejë ka tronditur vendin, duke ngritur reagime të shumta nga figurat shtetërore e po ashtu edhe nga bota e artit dhe kulturës.

Aktori dhe producenti i njohur, Shkumbin Istrefi ka reaguar gjithashtu me rastin duke reaguar i indinjuar për neglizhencën e organeve të drejtësisë.

Reagimi i tij vjen edhe pasi u bë e ditur se e ndjera më kishte kërkuar masa paraprake në Prokurorinë e Pejës, më 22 tetor.

“I tmerrshem rasti i vrasjes se Arlinda Zekajt. Viktima e ka paralajmeruar rrezikun per jete ne organet e drejtesise. Nuk po mund ta kuptoj si mund te behen keso leshime. A eshte e mundur qe jemi kaq te papergjegjshem? Shokante. Tmerr. Ndjese paste Arlinda”, ka shkruar aktori Istrefi.

Përveç producentit një mori figurash kanë reaguar për rastin që tronditi Kosovën.

Arlinda Zekaj vdiq të dielën e 25 tetorit, pas goditjes me një mjet të mprehtë nga ai që dyshohet të jetë përgjegjës kunati i saj i cili është në arrati.

Vetëm dy orë më përpara, e ndjera kishte raportuar në polici dhunë në familje nga bashkëshorti i saj i cili u ndalua nga organet e rendit për 48 orë.