Autoritetet nigeriane kanë konfirmuar se Adeniyi Mobolaji Kayode, 46 vjeç, shoferi i makinës ku u përfshi ish-boksieri Anthony Joshua, është akuzuar për drejtim të rrezikshëm pas aksidentit tragjik që ndodhi më 29 dhjetor në Ogun State, pranë Lagos.

Aksidenti i ndodhur pas një manovre të gabuar gjatë parakalimit la Joshuan të lënduar dhe shkaktoi vdekjen e dy anëtarëve të ekipit të tij: trajnerit personal Latif Ayodele dhe trajnerit të forcës Sina Ghami.

Policia ka ngritur katër akuza kundër Kayode, duke përfshirë: shkaktim vdekjeje për drejtim të rrezikshëm, drejtim të pakujdesshëm, mosrespektim të kujdesit gjatë drejtimit dhe drejtim pa leje valide.

Shoferi është liruar me garanci prej pesë milion naira ($3,480) dhe do të mbahet në pritje të përmbushjes së kushteve të garancisë.

Hetimet paraprake sugjeruan se aksidenti mund të ishte evituar dhe lidhej me “shpejtësi të tepërt” dhe “parakalim të gabuar”.

Lexus-i ku udhëtonte Joshua humbi kontrollin dhe përplasi një kamion të parkuar në rrugë.

Ndërkohë, Joshua është liruar nga spitali Lagoon në Ikoyi dhe është në gjendje të mirë. Qeveritë e Lagos dhe Ogun kanë shprehur ngushëllimet për familjet e viktimave, duke u lutur që ata të gjejnë forcë për të përballuar këtë humbje të rëndë.

Burimi: botasot.info