Trajneri i ri i Tiranës, Orges Shehi, është prezantuar para skuadrës dhe ka kryer stërvitjen e para.
Para saj, ai ka shprehur besimin te cilësitë e lojtarëve dhe besimin se skuadra bardheblu do të mbijetojë në “Abissnet Superiore” nëse secili jep maksimumin.
Orges Shehi ka zhvilluar stërvitjen e parë si trajner i Tiranës, pas rikthimit në stolin bardheblu. Të martën në orën 15.00,
Shehi është prezantuar para grupit të lojtarëve nga drejtori sportiv i klubit, Omer Bunjaku dhe më pas, për rreth një orë e gjysmë, ai ka punuar me futbollistët në fushë.
Shehi ka fituar titullin kampion me Tiranën, por në rikthimin e tij gjendja është krejtësisht ndryshe, pasi në vend të titullit skuadra do të luftojë për mbijetesën, duke qenë e parafundit, me vetëm një pikë më tepër se Flamurtari dhe dy më pak se Bylis, në vendin e play-out.
Para nisjes së seancës, trajneri i rikthyer u tha lojtarëve se ka besim të plotë te cilësitë e tyre dhe shprehu bindjen se skuadra do të mbijetojë, por për t’ia arritur duhet që secili prej tyre të japë maksimumin në stërvitje dhe në ndeshje.
Ardhja e Shehit është pritur mirë nga grupi i lojtarëve, megjithëse nuk e kanë fshehur keqardhjen e largimit të trajnerit Nuhiu për shkak të rezultateve të dobëta.
Puna e Shehit me Tiranën nis menjëherë me një malore të fortë, pasi ndeshjen e parë do ta ketë të premten në mbrëmje në Shkodër, kundër Vllaznisë kryesuese të kampionatit.
Mesjavën e ardhshme, Tirana luan me Dinamon ndeshjen e kthimit çerekfinale të Kupës së Shqipëisë, pasi ka humbur të parën 0-2.
Burimi: botasot.info
