Shefi i CIA-s, John Ratcliffe, ka bërë këtë javë një vizitë të shkurtër dhe të paparë në Moskë. Udhëtimi, që duhej të mbetej i fshehtë, u zbulua pasi avioni ushtarak amerikan u ndoq nga sistemet e fluturimeve. CBS News e raportoi e para.
Shtetet e Bashkuara thonë se i kërkuan Ukrainës të pezullonte sulmet ndaj Moskës, dhe qyteteve të tjera ruse gjatë qëndrimit të Ratcliffe.
Kievi pranoi kërkesën për disa ditë, ndërsa,Kremlini konfirmoi takimin. Zëdhënësi Dmitry Peskov tha se Ratcliffe, u takua me homologët rusë të shërbimeve sekrete, por jo me presidentin Vladimir Putin. “Putin u informua më pas”, tha ai.
Presidenti Donald Trump, e quajti vizitën “gjysmë-rutinë” dhe tha se Washingtoni po punon për t’i dhënë fund luftës në Ukrainë.
Vizita zgjati rreth tetë orë.
Ajo u bë e dukshme në mënyrë të pazakontë ngaqë avioni C-17 u pa publikisht dhe u shfaqën imazhe të kolonës diplomatike. Drejtorët e CIA-s zakonisht udhëtojnë në fshehtësi.
Analistët vlerësojnë se dukshmëria vetë mund të jetë pjesë e mesazhit.
Sipas burimeve amerikane, Ratcliffe i dha shefit të FSB-së, Aleksandr Bortnikov, një vlerësim të zymtë të luftës dhe gjendjes ekonomike të Rusisë. Ai e nxiti Moskën të kërkojë një marrëveshje para se situata të përkeqësohet.
Paralajmëroi gjithashtu kundër provokimeve ndaj NATO-s, veçanërisht vendeve baltike, dhe kërkoi që Rusia të zvogëlojë mbështetjen ushtarake e ekonomike për Iranin.
Kjo është vizita e parë e njohur e një drejtori të CIA-s në Moskë, që nga ajo e William Burns në nëntor 2021, kur ai e kishte paralajmëruar Putinin të mos pushtonte Ukrainën.
Kanali i inteligjencës mes Uashingtonit dhe Moskës ka shërbyer historikisht për çështje të ndjeshme. Kjo vizitë e shkurtër dhe e dukshme tregon se ky kanal mbetet i hapur, edhe kur marrëdhëniet janë në krizë të thellë.
Nuk dihet ende nëse Moska do ta marrë në konsideratë mesazhin, amerikan, dhe çfarë éshtë thënë me shumë sesa i është bërë e njohur gazetarve.
Burimi: botasot.info
