Ministri i Drejtësisë, Jeton Shasivari, paralajmëron zgjidhje për dhënien e Provimit të jurisprudencës në gjuhën shqipe, duke e cilësuar si reformë të rëndësishme gjuhësore. Shasivari, paralajmëron lehtësime maksimale gjuhësore për kandidatët në Provimin e jurisprudencës, përmes mekanizmit “Active Language Support”, të cilin e cilëson si standard ndërkombëtar. Sipas tij, mbështetja do të përshtatet sipas nevojave të kandidatëve dhe do të përfshijë sqarime gjuhësore. Megjithatë, studentët kishin kërkuar përkthimin e lëndëve në shqip, kërkesë që, sipas diskutimit, nuk u është plotësuar.
“Me rregullore ku mënyra e mbajtjes së provimit mbahet me rregullore aty do të shoh lehtësim maksimal gjuhësor aktiv language support, se është standard ndërkombëtar, dmth mbështetje gjuhësore maksimale për kandidatët sipas nevojave që i ka. Sqarim gjuhësor i lëndës së arkivuar gjuhësore e cila thamë nuk ka lënë të arkivuar gjuhësore këtë e sqarua. Po studentët kishin kërkuar që t’i përkthejnë lëndët, ju këtë nuk ua keni mundësuar. Active language support, çka do të thotë sqarim gjuhësor”, tha Jeotn Shasivari.
Shasivari, thotë se motoja e studentëve “Fol shqip, o taj” është përfshirë në modelin ligjor për Provimin e jurisprudencës. Sipas tij, kandidatët do të kenë mundësi të flasin shqip para komisionit, ndërsa pjesa me shkrim e provimit do të zhvillohet në gjuhën maqedonase.
“Motoja e studentëve ishte fol shqip o taj, unë jam tetovar, dialekt tetovar është marrë motoja e studentëve është përfshirë në modelin ligjor, dhe ai student kur do dalë para komisionit do flasë shqip o taj, do flasë pak shqip dhe në fund pak maqedonisht, jo do flasë shqip para komisionit, para komisionit po po në letër do shkruaj maqedonisht”, deklaroi Shasivari
Nga ana tjetër Mevlan Ademi nga Lëvizja Studentore vlerëson se propozimi për Provimin e jurisprudencës nuk garanton mbajtjen e tij tërësisht në gjuhën shqipe dhe nuk parasheh afate konkrete për zbatim. Ai paralajmëron se studentët mund t’u rikthehen protestave nëse nuk arrihet një zgjidhje e plotë.
“Si përfundim, provimi i jurisprudencës mbetet në gjuhën maqedonase! Për një zgjidhje të plotë është i domosdoshëm bashkëpunimi dhe angazhimi i përbashkët i të gjithë përfaqësuesve shqiptarë. Por ne studentët s’kemi kohë të humbim me lojëra politike dhe ndoshta do të organizohemi sërish t’i kthehemi rrugës”, tha Ademi.
Ministria e Drejtësisë propozoi modelin 12 provime në shqip dhe 2 provime në maqedonisht për Provimin e jurisprudencës. Palët nuk arritën marrëveshje, ndërkohë propozimi pritet të dërgohet për mendim në Komisionin e Venecias përpara se të procedohet në Kuvend.
Burimi:TV21
