Deputeti i VLEN-it, Bekim Sali, ka uruar qytetarët me rastin e Ditës së Pavarësisë, duke theksuar rëndësinë e bashkëjetesës dhe vizionin e përbashkët evropian.
“Sot shënojmë 33 vjetorin e shpalljes së pavarësisë së Republikës së Maqedonisë së Veriut. E kaluara e shtetit, përmes sfidave dhe arritjeve, ka ndërtuar themelet e një shoqërie moderne dhe shumëetnike, ndërsa vizioni ynë i përbashkët për integrim në Bashkimin Evropian mbetet forca shtytëse për përparim dhe bashkëpunim më të thellë, si brenda vendit ashtu edhe me fqinjët tanë”, ka shkruar Sali në Facebook.
Ai ka theksuar se bashkëjetesa nuk duhet parë si kompromis, por si pasuri e përbashkët. “Vetëm së bashku jemi shtet i sigurt dhe vetëm bashkë mund të ecim përpara. Urime Dita e Pavarësisë!”, ka shtuar Sali.
