Ylli i Liverpoolit, Mohamed Salah, ka pohuar se Arsenali është favorit për të fituar Ligën Premier këtë sezon.
Sulmuesi egjiptian i tha mendimet e tij gjatë një interviste me një tifoz të Arsenalit në ceremoninë e ndarjes së çmimeve PFA.
“Mendoj se keni një ekip të shkëlqyer këtë sezon dhe sezonin e kaluar, kështu që keni një shans vërtet të mirë”, ka thënë fillimisht Salah.
“Mendoj se jeni favoritë tani sepse keni lojtarë që kanë qenë së bashku për pesë vjet tani”.
“Nuk mund të them se të uroj fat, por shpresoj ta bëjmë përsëri”.
“Jam ende shumë i uritur – kjo është arsyeja pse nënshkrova për Liverpoolin për dy vjet të tjera. Është fantastike të luash në Ligën Premier në atë nivel”.
“Gjithashtu, me moshën time, 33 vjeç, ndjen se mund të japësh më shumë dhe mund të bësh vërtet diferencën gjithmonë në çdo ndeshje”.
“Është diçka që më bën krenar për veten sepse punoj shumë për këtë. Kjo është ajo që mund të them për këtë”, përfundoi ylli i Reds.
Burimi: botasot.info
