Rritja e çmimit të derivateve të naftës do të ndikojë drejtpërdrejt në punën e Ndërmarrjeve Komunale sepse një pjesë e madhe e shërbimeve komunale bëhet me makineri të cilat duhet të mbushen me naftë. Shumica nga komunat e vendit kanë problem me çështjen e mbeturinave, andaj detyrohen pasi i mbledhin t’i bartin nëpër deponitë rajonale të vendit, që është harxhim shtesë për ndërmarrjet.
“Rritja e çmimit të naftës normalisht do të ketë efekte në punën tonë sepse punojmë me makineri dhe përdorim naftë, përdorim vetura dhe gjithsesi se do të ndikojë rritja e çmimit në harxhimet tona në përdorimin e naftës, por do të shohim si do të zhvillohen ngjarjet; përderisa do të jetë shkurt do ta tejkalojmë, por nëse zgjat do të kemi probleme me ndërmarrjet”,tha Mane Hristijanski.
“Po, sigurisht do të ndikojë në atë pjesë të ndërmarrjeve komunale te të cilat deponitë janë larg, siç është në Ohër, dhe bartja e mbeturinave është e shtrenjtë sepse largësia bën të veten edhe për disa ndërmarrje të tjera nga Maqedonia dhe besoj se nuk do të jetë lehtë t’ia dalim, patjetër të bëjmë intervenime”, deklaroi Goce Angellovski.
“Do të ketë ndikim rritja e çmimeve të derivateve, do të ndikojë në punën tonë sepse një pjesë e shërbimeve komunale janë me harxhime me naftë”, u shpreh Goran Stepanovski.
Ndryshe, puna e ndërmarrjeve komunale po bëhet gjithnjë e më e vështirë, pasi shumica e komunave përballen me borxhe të mëdha që rëndojnë funksionimin e tyre./TV21
Burimi: lajmpress.org
