Rritet presioni, frikë se futbollistet e Iranit mund të dënohen me vdekje

Kombëtarja e Futbollit të Femrave të Iranit qw garoi në Australi ka marrë përmasa dramatike, ku lojtaret dyshohen se përballen me rrezikun e dënimit me vdekje pas kthimit në atdhe.

Ekipi kombëtar duke garuar në Kupën Aziatike të Femrave AFC u mposht 2-0 nga Filipinet të dielën në mbrëmje në Queensland, gjë që i dha fund fushatës së tyre.

Rreth 200 protestues rrethuan autobusin e ekipit në Gold Coast, ndërsa pamjet treguan të paktën një lojtare që bënte me dorë shenjën ndërkombëtare të ndihmës (SOS), mes thirrjeve të turmës “lërini të lira”.

Kriza nisi pasi ekipi refuzoi të këndonte himnin kombëtar në ndeshjen hapëse kundër Koresë së Jugut, një akt që televizioni shtetëror iranian e cilësoi si “kulmin e tradhtisë”. Sipas raportimeve, lojtaret u detyruan ta këndonin himnin në ndeshjet pasuese nën kërcënime të rënda për familjet e tyre dhe burgosje.

Prezantuesit shtetërorë në Iran kanë bërë thirrje për ndëshkime të ashpra, duke kujtuar se në kohë lufte (pas vrasjes së Khamenei), tradhtia dënohet me vdekje.

Presioni ndërkombëtar, mbi 46,000 njerëz kanë nënshkruar një peticion që i kërkon qeverisë australiane të ndërhyjë.

Ish-kapiteni i Socceroos, Craig Foster, deklaroi: “Qeveria australiane duhet të sigurohet që asnjë lojtare të mos detyrohet të largohet kundër dëshirës së saj.”

“Disa prej tyre po qanin në autobus ndërsa ne tentonim t’i ndalonim që të mos largoheshin,” – u shpreh një protestuese për mediat lokale.

Edhe pse trajnerja Marziyeh Jafari deklaroi publikisht se ekipi është gati të kthehet në Iran, dyshohet se kjo deklaratë është bërë nën presion, ndërkohë që lojtaret pritet të udhëtojnë drejt Turqisë para se të hyjnë në territorin iranian me autobus.