Fshatrat Bukoviç, Arnaqi dhe Semenisht të komunës së Sarajit janë përfshirë nga përmbytje si pasojë e reshjeve intensive të shiut që kanë goditur zonën gjatë orëve të fundit.
Nga pamjet e siguruara nga terreni, shihen rrugë të mbuluara nga uji dhe sipërfaqe të gjera fushash të përmbytura, duke vështirësuar lëvizjen e banorëve dhe qarkullimin nëpër këto vendbanime rurale.
Deri më tani nuk ka informacione zyrtare nëse përmbytjet kanë shkaktuar dëme në amvisëri apo objekte të tjera.
Ndërsa pritet vlerësimi i situatës nga autoritetet kompetente në terren.
Burimi: botasot.info
