Kryetari i Prizrenit, Shaqir Totaj, ka njoftuar se ka aktivizuar shtabin emergjent ne komunën e Prizrenit.

Totaj ka bërë të ditur se ky vendim vjen pas reshjeve të mëdha të shiut.

“Bazuar në vazhdimësinë e reshjeve të shiut në territorin e Komunës së Prizrenit, sot kam marrë vendim për themelimin e Shtabit Emergjent, me qëllim të garantimit të gatishmërisë së plotë ndaj situatës së krijuar” ka shkruar Totaj.

Tutje bëhet e ditur se ky shtab do të jetë i angazhuar 24 orë dhe do të ndërmarrë të gjitha masat e nevojshme për parandalimin e pasojave që mund të shkaktohen nga reshjet e dendura atmosferike.

“Apelojmë për kujdes të shtuar, veçanërisht në komunikacion, dhe ju lutemi që në çdo rast urgjence të kontaktoni numrat e mëposhtëm:

112 – Linja e Emergjencës
194 – Ndihma e Shpejtë
192 – Policia
193 – Zjarrfikësit
0800 791 99 – KEDS

Qëndroni të sigurt dhe të informuar!” tha ndër të tjera Totaj.

Burimi: botasot.info