Real Madrid është gati të nisë një betejë të mirëfilltë me arbitrat spanjollë pasi ditën e djeshme nëpërmjet televizonit zyrtar të klubit u pranua fakti se po përpilohet një dosje me të gjitha gabimet e bëra nga arbitrat sezonine kaluar dhe në këtë sezon.
Sipas zyrtarëve të klubit këto fakte do të vendosen në dispozicion të FIFA-s dhe më pas do të shikohet se si do të veprohet për më tej.
Ky vendim i Real-it është amplifikuar edhe më shumë nga kartoni i kuq i Huijsen në Anoeta, ku miqtë mundën Societad, 2-1 edhe pse luajtën me një lojtar më pak për gati një orë. Në këtë pikë mediet spanjolle pranë Real-it kanë nxjerrë në pah një statistikë, e cila tregon shumë.
Sipas të dhënave të grumbulluara në 25 vitet e fundit në La Liga, Barcelona ka mbyllur në superioritet numerik plot 65 ndeshje ndërsa për Real-in ky rekord është negativ -2.
Sipas drejtuesve të klubit këto shifra tregojnë shumë për arbitrat spanjollë pasi në Champions League vihet re tjetër histori. Në Champions League Reali ka mbyllur 13 ndeshje në superioritet numerik ndërsa Barcelona ka mbyllur 12 takime me një lojtar më shumë.
Burimi: botasot.info
