qorrolli jep detaje per procesin e perzgjedhjes se gjyqtareve te rinj te kushtetueses 6afdcda049d0d

Qorrolli jep detaje për procesin e përzgjedhjes së gjyqtarëve të rinj të Kushtetueses

November 18, 2026
1 minut lexim

Ka vazhduar procesi i përzgjedhjes së gjyqtarëve të rinj të Gjykatës Kushtetuese të Kosovës.

Kryetari i Komisionit të Posaçëm për Shqyrtimin e Kandidatëve për Emërim në Gjykatën Kushtetuese, Vigan Qorrolli, ka njoftuar se sot është organizuar testimi me shkrim, ku kanë marrë pjesë 20 kandidatë, ndërsa një kandidat është tërhequr nga gara.

Përmes një postimi në Facebook, Qorrolli ka bërë të ditur se procesi është zhvilluar nën kryesimin e tij, ndërsa ka njoftuar edhe për fazën e ardhshme të përzgjedhjes.

“Faza e radhës, intervistimi me gojë, do të mbahet më 27 nëntor”, ka shkruar ai.

Qorrolli ka theksuar se procesi po zhvillohet mbi parimet e ligjshmërisë, transparencës, paanshmërisë dhe meritokracisë, me synimin që përzgjedhja të bazohet në integritetin dhe aftësitë profesionale të kandidatëve.

Ai ka vlerësuar se përzgjedhja e gjyqtarëve të Gjykatës Kushtetuese përbën një përgjegjësi të rëndësishme institucionale.

“Gjykata Kushtetuese është gardiane e Kushtetutës. Përzgjedhja e gjyqtarëve të saj është përgjegjësi ndaj Republikës, rendit kushtetues dhe besimit të qytetarëve në drejtësi”, ka theksuar Qorrolli.

Burimi: botasot.info

VERO

EVN MACEDONIA

MATINA DENTAL CLINIC

AUTO SHKOLLA BEKO

mitrevski cfare pune ben kreu i mapas it fushata pension pa tension ndersa borxhi ne shtyllen e dyte rritet 6afdcd152bc04
Lajmi i mëparshëm

Mitrevski: Çfarë pune bën kreu i MAPAS-it? ““Fushata pension pa tension”, ndërsa borxhi në shtyllën e dytë rritet”!

berisha me paketen e re fiskale do rrisni me shume cmimet dhe taksat 6afdcdfbe8ce3
Lajmi i radhës

Berisha: Me paketën e re fiskale do rrisni më shumë çmimet dhe taksat

Të fundit nga

ShkoLartë