Ditën e djeshme, PSG ka zyrtarizuar transferimin e Lucas Chevalier nga Lille për 40 milionë euro plus 15 milionë euro bonuse. Kampionët e Europës janë shumë afër transferimit të Illia Zabarnyi, qendërmbrojtësit ukrainas të Bournemouth. Marrëveshja mes dy klubeve pritet të arrihet për shifrat 60-70 milionë euro.
Por, parizienët nuk kanë ndermend ta mbyllin merkaton vetëm me këto dy goditje. “Fichajes.net” raporton se objektivi i madh i PSG-së është transferimi i Enzo Fernandez nga Chelsea.
Parizienët duan të ndërtojnë një mesfushë të pakonkurruershme me emra si Vitinha, Joao Neves dhe Enzo Fernandez.
Sipas raportimit në fjalë, PSG është e gatshme të ofrojë deri në 150 milionë euro për mesfushorin argjentinas, 125 milionë euro direkt dhe 25 milionë euro të tjera bonuse.
PSG nuk është klubi i vetëm që e ka objektiv Fernandez, pasi edhe Real Madrid ka shfaqur interes konkret për argjentinasin. Megjithatë, duket e vështirë që Chelsea të lejojë largimin e mesfushorit të tyre, i cili është një pikë referuese për skuadrën e drejtuar nga Enzo Maresca. Situata mund të ndryshojë vetëm nëse vetë lojtari dëshiron të largohet nga “Blutë”.
Burimi: botasot.info
