Nëse lulet tuaja humbasin ngjyrën, ja si t’ua riktheni atë!
Asgjë nuk është më e bukur se lulet me ngjyra të ndezura, qofshin ato në tarracë apo në kopsht, por ndodh që edhe disa lule të fillojnë të zbehen.
Dashamirët e luleve shqetësohen gjithmonë kur vërejnë se petalet po zbehen, besojnë se bima është e sëmurë dhe se mund ta humbasin atë. Megjithatë, kjo nuk është një dukuri aq e rrallë dhe ndodh më shpesh për shkak të diellit të tepërt.
Ndërsa vera përparon, rrezet e diellit bëhen më të forta dhe shkatërrojnë pigmentet e ndjeshme të ngjyrave në vetë petalet. Ky proces quhet fotodegradim dhe vërehet veçanërisht te luleborat, të cilat janë të ndjeshme ndaj rrezatimit UV.
Lulet gjithashtu zbehen natyrshëm pas pjalmimit, pasi qëllimi i tyre është pikërisht tërheqja e pjalmuesve dhe kështu fillon procesi i riprodhimit. Kur fillon formimi i farave, lulet zbehen, transmeton Telegrafi.
Faktorë të ndryshëm stresi ndikojnë në ngjyrën e bimës: ndryshimet në sasinë e ujit që merr bima, aciditeti i tokës apo përshtatja me një dhe të ri pas transplantimit.
Nëse vëreni që lulet e një bime fillojnë të zbehen, fillimisht vendoseni në një vend më pak të ekspozuar ndaj diellit dhe kujdesuni për ujitje të rregullt. Nëse dheu thahet shumë shpejt, shtoni pak pleh organik.
Bimët që kanë përfunduar lulëzimin krasiten rregullisht, sepse një lule me petale të zbehura zakonisht ka hyrë në fazën e krijimit të farës, një proces që e lodh bimën.
Burimi: botasot.info
