Të paktën 162 protestues janë vrarë në Iran gjatë 15 ditëve të fundit gjatë protestave antiqeveritare, sipas një grupi të të drejtave të njeriut me seli në Shtetet e Bashkuara.
Sipas Agjencisë së Lajmeve të Aktivistëve të të Drejtave të Njeriut (HRANA), numri total i viktimave që nga nisja e protestave ka shkuar në të paktën 203 persona, përfshirë 41 efektivë të forcave të sigurisë.
HRANA bën të ditur se të paktën tetë nga protestuesit e vrarë ishin nën moshën 18 vjeç, ndërsa mbi 3,285 persona janë arrestuar nga autoritetet iraniane.
Grupi thekson se shifrat mund të jenë më të larta, për shkak të kufizimit të aksesit në internet dhe komunikimeve telefonike në të gjithë vendin.
Top Channel
Burimi: top channel
