Ish-banori i “Big Brother VIP Albania”, Jozefin Marku, është përfshirë nga autoritetet e vendit në listën e personave që duhet të ndalohen në pikat kufitare.
Kjo masë lidhet me një përleshje fizike me Edi Kuçin, ish-banor i “Big Brother VIP Kosova”, për të cilën Prokuroria Themelore në Pejë ka nisur hetimet.
Rasti është bërë publik pas qarkullimit në rrjetet sociale të pamjeve të plota të incidentit, ndërsa organet e drejtësisë kanë ndërmarrë veprime lidhur me ngjarjen.
Zëdhënësi i Prokurorisë Themelore në Pejë, Shkodran Nikçi, ka konfirmuar se ndaj Markut është iniciuar një rast penal.
Sipas tij, procedura është nisur me vetiniciativë nga prokurori dhe Marku, i cili është shtetas i Shqipërisë, dyshohet për veprën penale “Lëndim i lehtë trupor”.
I dëmtuari në këtë rast është shtetasi i Kosovës, E.K., iniciale që i referohen Edi Kuçit.
Rasti tashmë është në procedurë dhe pritet që institucionet kompetente të ndërmarrin veprimet e mëtejshme ligjore.
Burimi: botasot.info
