Klubi me renome i futbollit Prishtina po kompletohet për pjesën e dytë të kampionatit, në luftë për titullin e kampionit të Kosovës.
Përforcimi i radhës është futbollisti nga Holanda, Sylian Mokono.
“Sylian Mokono i bashkohet FC Prishtinës.
Mbrojtësi i djathtë holandez është përforcimi më i ri i skuadrës sonë në këtë afat kalimtar dimëror.
26-vjeçari është produkt i akademisë së FC Utrecht, ku ka kaluar disa grupmosha deri te ekipi i parë.
Mokono ishte pjesë e Heracles Almelo, me të cilin u shpall kampion në ligën e dytë të Holandës, ndërsa së fundmi ka qenë pjesë e skuadrës VVV-Venlo”, ka njoftuar FC Prishtina.
Burimi: botasot.info
